مساع قاعدة أكلم أمي تقول لي مسولفة مع مرة قايلتلها ان بنت رفيجتها عمرها 31 متزوجة ولد عمره 21
انا تعجبت حيل لأن البنت أكبر بوايد سنين،يعني انا شايفة في عايلتنا شباب ماخذين بنات اكبر منهم بسنة سنتين لكن مو وايد سنين جذي و الشي المهم في موضوع البنت اللي امي سمعت عنها ان زواجهم راضين عليه جميع الاطراف يعني أم الولد موافقة و قايلة دام انهم متفقين و منسجمين عادي،
عالعموم الله يوفقهم يا رب،بس سؤال للبنات:تسوينها و تتزوجين شخص اصغر منج بعشر سنين؟ و سؤال للولد:ممكن تتزوج بنت اكبر منك بعشر سنين؟
ملاحظة:ابي رايكم بالموضوع بكل صراحة لكن لا يكون كلامكم موجه عن البنت بالذات اللي انا كاتبة قصتها،أبي رايكم عن الفكرة بحد ذاتها
41 التعليقات:
عقل البنت ينضج أسرع من الرجل برأيي
لذلك ستكون بمثابة أم له والله أعلم :)
عمومًا هذه ليست قاعدة عامة
والانسجام لا يعرف الأشكال والألوان
النبي صلى الله عليه وآله وسلم
تزوج السيد خديجة بنت خويلد
وهي أكبر منه بسنوات عديدة
وكانت العلاقة من أجلّ وأجمل ما يكون
حتى أن أمهات المؤمنين كنَّ يغرن منها
رغم أنها متوفاة آنذاك رضي الله عنها
باختصار: الموضوع له اعتبارات شخصية
لا يصح وضع معيار عام في تقييمه
العدالة الكويتية
اخوي العدالة انا ادري اي احد راح يقول ان الرسول صلى الله عليه و آله تزوج السيدة خديجة لكن لا تنسى ان النبي معصوم و متميز عن اي انسان و كان كله حكمة و رزانة و عقله كبير ما اظن نقدر نقارنه بأي واحد في زمننا الحالي
و أكيد طبعا مافي معيار عام للتقييم لكن ودي اعرف آراء الناس و اشوف الاغلبية شنوا نظرتهم للموضوع
و يعطيك الف عافية على المرور و حياك الله
اممم و الله سؤال صعب لكن مااتوقع اني اتزوج واحد اصغر مني ب10 سنين
وايد اصغير اصلا
يعني لو اصغر مني بسنه سنتين حتى 3 مقبول بس 10 impossible
بس جد استغربت منه متزوج له وحده اكبر منه بواايد
بما اني صغير ما اقدر افرض رأيي
صباح العسل
يا حبيبتي تروث
:)
اتوقع اختلاف البيئة الي نعيش فيها واحنا في نفس الديرة تفرض علينا اشياء ومعتقدات بدون فتح المجال للتفكر فيها
مثلا زواج البنت من شاب يصغرها بالسن مقبول من فئة ولا يناقش بالنسبة للآخرين
بما ان الوضع دارج لديكم بين افراد العائلة
فانت تطرقت للسؤال عنه
في نظري المتواضع
الموضوع غني ويصعب الكلام فيه والمامه في تعليق واحد
باختصار
الزمن مختلف
وزمن رسول الله ص
تختلف فيه النساء والرجال من ناحية التفكير والاهتمامات
لا اعتقد ان الزمن والمجتمع الكويتي يساهم في اكمال الحياة الزوجية بين زوجين يتباعد العمر بينمهما حتى لو كان الزوج اكبر من الزوجة بكثير
ولكن لكل قاعدة شواذ
والله يوفق الجميع
:)
موضوع حلو
:)
انا شايف حالات وايدة
تكون فيه الزوجة اكبر من الزوج بفارق كبير
ومع هذا اشوفهم مستمرين بحياتهم الزوجية
وبالتوفيق للجميع
زوجة عمي أكبر منه بـ 10 سنوات تقريبا .
و حاليا مضى على زواجهم قرابة 40 سنة :)
المسالة ترجع للقبول النفسي عند الزوجين و استعدادهم للتنازل عن بعض الأشياء في هذا السبيل .
الأشخاص الأكبر سنا عادة يميلون إلى اعطاء النصيحة و الوعظ و الإرشاد لمن هو أصغر منهم و لو كان بيوم واحد ، و الرجل في مجتمعنا بسبب قيمه الاجتماعية نادرا ما يقبل بنصيحة او ارشاد من قبل امراة له القوامة عليها و إن كانت أكبر منه سنا ، لذلك أولى التنازلات في مثل هالزواجات هو تنازل المراة عن الرغبة الملحة فيها للنصح و الوعظ :)
كرأي شخصي ما أجد في نفسي القبول لمثل هذا الشي أبدا ، يمكن بسبب احكام المجتمع و اعرافه او غيرها ، لكنها بالنهاية ولدت عندي قناعة شخصية بعدم استحباب الفكرة .
شخصيا أفضل أن يكون الزوج أكبر من الزوجة سنا
لكنني أعرف الكثير من الأزواج ممن زوجاتهم يكبرنهم بالعمر ( سبع سنوات أكبر فارق رأيته ) لكن زواجهم مستمر بنجاح
يعني بعد عشر سنين من زواجهم اهيا عمرها 40 واهوا عمره 30 وبعدين اهوا في عز شبابه واهيا في سن اليأس :-$
برايي لازم يكون في توافق بين الزوجين مو بس بالعمر
اعرف واحد جميييل تزوج جيكره وكان الفرق بينهم ملحوظ ... النتيجه غيره
وحده ظعيفه تزوجت متييييييييين .. بذمتكم مو حرام ؟؟!!
واحد خريج فرنسا وسيم و يعرف لغات
لاعب رياضي تزوج وحده ساذجه ..طفوليه تلعب ويا اليهال بالله عليكم هذا زواج؟؟!!
هذي كلها زواجات فاشله من وجهة نظري
أختنا الكريمة
حياة الرسول الكريم
صلى الله عليه وآله وسلم
لم توجد بين أيدينا لشيء سوى
الاقتداء
وإبعاد صفة "البشرية"
عن الرسول الكريم
وآله بيته وأصحابه الأطهار
يفقدنا شيء عظيم ونفيس
{وما آتاكم الرسول فخذوه}
{فبهداهم اقتده}
تعريف السنة:
كل ما ورد عن النبي
صلى الله عليه وآله وسلم
من قول أو فعل أو تقرير
إلا ما كان من أحكام
خاصة بالنبوة
أو أفعال طبعية خاصة
ككراهية أكل الضب
لأن قريش لم تكن تأكله
والله أعلم
لا أريد أن أكون مفتي :)
ولكن أردت التنبيه
بأن سيرة الرسول والقدوات
موجودة ومحفوظة بين أيدينا
لنقتدي بها
ويبقى رأيي
هو معيار شخصي
لا يجب تعميمه
وكل حالة تنظر على حدة
بالنسبه حقي لا ماسويها اذا سنه يمكن بس اكثر لا مستحيل
بس وايد اسمع ان الرياييل يحبون البنت اكبر منهم عشان تكون فاهمه
شلون يعرفون اذا منسجمين؟
:)
paris
انتي حيل عنونة عشان جذي مستحيل تتزوجين واحد اصغر منج بعشر سنين
جم بيكون عمره لول حبيبتي انتي :)
مشكووووورة و ما قصرتي على مرورج و تسلمين يا حلوة
{~المباركية~}
:)
تسلم خيو على مرورك و حياك الله
Manal
اهلييييين في الزين كله منول الوردة
:)
بالنسبة حق الزواجات اللي صارت في عايلتنا،الله يسلمج انا في نظري ما يعجبني كلش ان الولد يكون اصغر من البنت لكن اهيا حالات و صارت بين اهلنا و للعلم زواجاتهم نجحت حيل ولله الحمد و الله يتمم عليهم يا رب
و أوافقج الراي هم انا ما احس ان مجتمعنا يشجع زواجات الناس البعاد حيل بالعمر
و مرورج الأحلى و تسلمين و يعطيج الف عافية
^_^
قانوني كويتي
بس ما عطيتنا رايك بالنسبة حقك انته شخصيا اذا ممكن تتزوج وحدة اكبر منك بعشر سنين وللا لأ
:)
و يعطيك الف عافية على المرور و حياك الله
Safeed
عدل كلامك هذي ابرز نقطة ان الزوجة لي صارت اكبر راح تعامله جنه اخوها الصغير و تقعد تقول له انا اكبر منك و انا افهم منك و هالسوالف لووول
و بالنسبة حق عمك و زوجته عسى الله يتمم عليهم يا رب و يخليهم حق بعض
:)
و مشكوووور على المرور و يعطيك الف عافية
سيدة التنبيب
مرة قريت عن دراسة مسوينها عشان يشوفون افضل فرق بالعمر بين المرة و الريال عاد كانت النتائج ان الفرق يكون تقريبا بين 4 و 6 سنوات الريال يكون اكبر
احس بالفطرة دايما البنت حلو تكون اصغر من الولد عشان تحس ان اكو شخص اكبر منها مسؤول عنها و يحسسها بالأمان
و الله يتمم على معارفج و يديم عليهم الزواج الناجح
و تسلمين على المرور و يعطيج الف عافية
Dont worry,, Be happy
عاد تصدقين انا صار عندي قناعة ان اكو قاعدة عامة(الجياكر للحلوين)
دايما لما واحد حلو تلاقين زوجته مو حلوة و العكس صحيح،تنبط جبدي لما اشوف جذي لوووول
و تسلمين يا عسل على مرورج و يعطيج الف عافية
العدالة الكويتية
أحترم رايك و وجهة نظرك
:)
و يعطيك الف عافية و حياك الله
malak
مشكوووورة على ابداء رايج بالموضوع و يعطيج الف عافية
نورتي
:)
Salah
لوووول تصدق اخوي صلاح اني سألت أمي نفس السؤال!
تسلم خيو على المرور و حياك الله
:)
السلام عليكم ورحمة الله وبركاته
ماشاء الله مدونتج ممتازه وحلوه :)
أتمني لج فيها التوفيق يارب
وأينما ذهبتي
اللهم أمين
أقتباس
-------
للولد:ممكن تتزوج بنت اكبر منك بعشر سنين؟
------------------------------------
عن نفسي مستحيل أتزوج وحده أكبر مني بعشر السنين
ممكن تكون اكبر مني بسنة أو سنتين
مومشكله
سعيد جدا لزيارتي لمدونتج
والتعليق فيها :)
أخوج:النور القريب
النور القريب
عليكم السلام هلا والله اخوي شرفتني بالزيارة و تسلم على كل كلامك الطيب و على دعائك ما قصرت
و أشكرك انك عطيتني رايك بالموضوع و الله يوفقك انته بعد و حياك الله
:)
Weeeeeeeeeeeee '3Braa "Shra ma Etgolon"
LooooL
La MaSweeeeeeeeeeeha
TOO MUCH E9RAA7AH
!!
الأخ العدالة الكويتية
عفوا .. كان الفرق بينها و بين الرسول
مب وايد ..3 سنوات بس !!
تشرفت بزيارة المدونة...واستمتعت في قراءة مواضيعها ...وبالنسبة للسؤال ..أعتقد ان الموضوع نسبي ..يرجع للولد وللبنت ويعتمد بالدرجة الأولى على نضوج الإثنين وتوافقهم ...
تحياتي
مساء الخير
ومتى انشوف موضوعج القادم
تحياتى لج
|:| DUBAI |:|
اهم شي غبرة لووووووووووول
ياحلوها منج والله :)
ثانكس على ابداء رايج بالموضوع و يعطيج الف عافية
^_^
bsma
الشرف لي اختي انج زرتي مدونتي و عطيتيني رايج بالموضوع و يعطيج الف عافية و حياج الله
نورتي
:)
قانوني كويتي
لما يصير عندي سالفة راح انزل بوست
:)
و حياك الله
والله أشوف إن بالعكس فكرة شجاعة ..
اللهخ يوفق الجميع :)
الموضوع نسبي بالنسبة لي ..
يمكن المجتمع في السابق يرفض مثل هالزواجات
بس اليوم مااعتقد المجتمع يرفضها .. اذا كان الزوجين متفقين .. ومستعدين لأي تبعات تأتي من خلالها
شكرا لج على هذي المدونة الرائعه
عن نفسي nooo waaaay
اذا ما فكرت ارتبط لازم يكون أكبر مني وخبرته بالحياة أوسع مني
وبعدين البنت من غير شي تشيب قبل الريال:)
تخيلي ان الزوجة وصلت الى سن اليأس بالاربعين وزوجها عمره ثلاثين او اقل
ما يمديهم حتى يترسون البيت اطفال
بس اذا الحب بينهم جارف مثل السيل يصير فارق العمر مو مهم خصوصا بالسنوات الاولى
وكل شي قسمة
أحمد الحيدر
آميــن
أشكرك على ابداء رايك و يعطيك الف عافية
:)
عائشـــــة
الأروع مرورج و تشريفج لي بزيارتج الكريمة و اثراء الموضوع بوجهة نظرج و تسلمين و يعطيج الف عافية
:)
كبرياء وردة
اي اغلب الحريم شكلهم يكبر اسرع من الريال لأن من الحمل و الولادة و تحمل مصايب الريال و بلاويه
P:
تسلمين حبوبة على رايج بالموضوع و يعطيج الف عافية و حياج الله
فريج سعود
اذا على اليهال يمديها تييب من عمر 30 لي 40،تقدر تييب 4 يهال،و في زمننا الحالي 4 كافي و زيادة خصوصا ان زمننا يخرع و العيال يبيلهم تربية عدلة و كل واحد يبيله قلب بروحه
الا اذا قصدك الزوجة تتزوج و عمرها 40هني اي مايمديها تييب عيال و لو ان مع العلاجات هالأيام الحريم قاعد ييبون عيال لي عمر 50
سوري شطيت عن الموضوع لووول :)
بس انا عموما في نظري كل واحد يتزوج من جيله عشان التقارب الفكري و عشر سنين احسه جيل ثاني عشان جذي انا ضد الموضوع
وشرفتني بزيارتك أخوي فريج و تسلم على رايك بالموضوع و يعطيك الف عافية
:)
هالشي يرجع للزوجين ..
اذا هم موافقين بكيفهم ..
لكن انا عن نفسي ..
نفسي ما تتقبل اني آخذ واحدأكبر عني و لو بسنة !
بس ساعات ظروف الانسان تجبره انه يسوي شي ما يبيه ..
ان شاء الله ما امر بظرف جي .. >_<
دمتي بود Truth ..
مدونة حلوة وايد .. :)
بالتوفيق الغلا ..
يؤ سووري ..
مب اكبر عني .. ((أصغر عني و لو بسنة )) ..
إنسانة
أهليييين هلا والله فيج اختي انسانة
و انا مثلج نفسي ما تتقبل حتى لو اصغر بسنة
و تسلميييين على الكلام الحلو هذا من ذوقج و طيب أصلج :)
تشرفت بمرورج و يعطيج الف عافية و حياج الله
نورتي
^_^
إرسال تعليق