ودي أتكلم عن موضوع مهم و اهوا عبارة عن المرض اللي اسمه الطائفية،هذيك الايام قريت مواضيع كاتبينها بعض المدونين اللي يحبون الكويت كاتبين ان الكويت راح تفرح اذا عيالها الشيعة و السنة تزوجوا من بعض وتناسبوا،عساس ان بجذي راح نوصل للوحدة و ننهي الطائفية،انا في نظري ما احس ان النسب شي مهم وايد لحل مشكلة الطائفية لأن لو بنطالع دول ثانية تركيبتهم السكانية مختلفة عنا،مثل لبنان اللي بلدهم ما يحتوي على بس شيعة و سنة،لا يشمل بعد مسيحيين و دروز و أرمن و غيرهم،يعني هل راح يكون الحل لانتهاء الطائفية اهوا بزواج المسلمين من المسيحيين او الأرمن او زواج الدروز من المسيحيين و غيره؟
في نظري الحل اهوا في تأسيس أبناء المجتمع على احترام المختلف عنهم و قبوله على ما هو عليه،و هذا ما راح يتحقق الا اذا كل مواطن و مواطنة حرص ان يربي عياله من يوم اهما صغار على احترام المختلفين معاهم و على عدم فتح مناقشات مذهبية مع المختلفين معاهم بالمذهب،لأن ما احس ان شي له داعي ابدا،يعني الحين مثلا بنت خلوقة صادقت بنت مختلفة معاها بالمذهب لكنها تشابهها في الأخلاق و الشخصية،هني شنوا تأثير المذهب في الموضوع؟ دام ان الطرفين فيه تقارب في شخصياتهم؟ المذهب يتعلق بالعبادة اللي اهيا شي بين العبد و ربه،شنوا الهدف من التدخل فيها؟ على طاري هالموضوع،أذكر قبل سنة كنت أسولف مع ولد خالتي صغير عمره 15 سنة،و اهوا أمه شيعية و أبوه سني،في مرة سألته انته صرت نفس أمك وللا نفس أبوك جان يقول لي انا سني و أصلي صلاة السنة لكني أحب الشيعة و أحضر الحسينية و أحب الكل و ما عندي حقد على احد،عاد مرة كان يسولفلي عن مدرسته يقول لي ان صادف في مدرسته صبيان شيعة و لما يسألونه شنوا مذهبك و يعرفون انه سني،يقعدون يقطون عليه حجي من طقة ان انتوا على باطل ومذهبكم غلط و من هالكلام اللي لا يودي ولا اييب ولا له معنى ان ينطرح بين طلبة مدارس اللي يُفترض انهم رايحين المدرسة للدراسة مو للّقافة،و فوق هذا منوا اللي عطا هذولة الصبيان الحق انهم يشتغلون مفتيين على روس الناس؟ طبعا مافيه شك ان هذولة الطلبة فيه خلل في تربيتهم،يعني 100% ان أهلهم ناس عندهم تطرف و ماعندهم تسامح مذهبي عشان جذي طلعوا عيالهم من هذي النوعية،و عاد شنوا كانت نتيجة الموضوع على ولد خالتي؟ نتيجتها ان اهوا لاعت جبده منهم و كره المدرسة اللي جمعته فيهم و غيّر مدرسته عشان يفتك من ويوههم،
و عندي مثال ثاني،مرة يوم كنت صغيرة ايام المدرسة وحدة سألتني انتي سنية وللا شيعية؟ قلت لها شيعية،جان تقول لي انتوا قرآنكم بروحكم قرآنكم اسمه قرآن فاطمة،انا: @@ ،شنوا قرآن فاطمة هذا؟ قلتلها احنا نقرا القرآن العادي،جان تقول لا امبلا انتوا قرآنكم بروحكم،طبعا كنا صغار حزتها،معناها منوا معلمها هالكلام الفاضي؟ أكيد الأهل، اللي بقوله ان اذا أي أحد فينا وده يشوف الكويت بدون طائفية يبتدي من بيته،يربي عياله على احترام الناس و عدم التدخل في مذاهبهم،و الأهم اهوا تربيتهم على ان يكون ضميرهم صاحي كل وقت و يراعون هذا الضمير في علاقاتهم مع كل أفراد المجتمع،يعني مثلا اذا شركة او وزارة فيها مدير و عنده موظف يستحق الترقية بناءا على كفاءته،هل من العدل ان يكشت فيه و يرشح واحد ثاني للترقية لأن هذاك نفس مذهبه؟ أو شخص قدم اوراقه للتوظف في مكان معين و اهوا مستوفي الشروط لكن المسؤول عن التوظيف مذهبه يختلف عن الشخص المقدم للوظيفة،هل الله يرضى ان هذا الشخص ينرفض عشان مذهبه مو نفس مذهب المسؤول؟ هذا الشي فيه ظلم كبير و الله يعاقب عليه،طبعا الفاصل في هذي المواضيع اهوا الضمير،اذا كان صاحي ما راح نشوف هالسوالف اللي تغث،
اذكر ايام الانتخابات انا ما انتخبت احد لكن ابوي راح و انتخب ناس يحس ان فيهم خير للديرة و كان بعضهم سنة لأن أبدا ما تهم سالفة المذهب اذا طالعنا كفاءة الأشخاص و شنوا راح يقدمون للبلد،الخلاصة انا برايي اذا نبي نكون ايد وحدة كل واحد يبتدي يربي عياله على التسامح وعدم التدخل في مذاهب الآخرين و ننشغل في اللي يفيد ديرتنا و نكون ايد وحدة عشان لحد يطمع فينا و سلامتكم
في نظري الحل اهوا في تأسيس أبناء المجتمع على احترام المختلف عنهم و قبوله على ما هو عليه،و هذا ما راح يتحقق الا اذا كل مواطن و مواطنة حرص ان يربي عياله من يوم اهما صغار على احترام المختلفين معاهم و على عدم فتح مناقشات مذهبية مع المختلفين معاهم بالمذهب،لأن ما احس ان شي له داعي ابدا،يعني الحين مثلا بنت خلوقة صادقت بنت مختلفة معاها بالمذهب لكنها تشابهها في الأخلاق و الشخصية،هني شنوا تأثير المذهب في الموضوع؟ دام ان الطرفين فيه تقارب في شخصياتهم؟ المذهب يتعلق بالعبادة اللي اهيا شي بين العبد و ربه،شنوا الهدف من التدخل فيها؟ على طاري هالموضوع،أذكر قبل سنة كنت أسولف مع ولد خالتي صغير عمره 15 سنة،و اهوا أمه شيعية و أبوه سني،في مرة سألته انته صرت نفس أمك وللا نفس أبوك جان يقول لي انا سني و أصلي صلاة السنة لكني أحب الشيعة و أحضر الحسينية و أحب الكل و ما عندي حقد على احد،عاد مرة كان يسولفلي عن مدرسته يقول لي ان صادف في مدرسته صبيان شيعة و لما يسألونه شنوا مذهبك و يعرفون انه سني،يقعدون يقطون عليه حجي من طقة ان انتوا على باطل ومذهبكم غلط و من هالكلام اللي لا يودي ولا اييب ولا له معنى ان ينطرح بين طلبة مدارس اللي يُفترض انهم رايحين المدرسة للدراسة مو للّقافة،و فوق هذا منوا اللي عطا هذولة الصبيان الحق انهم يشتغلون مفتيين على روس الناس؟ طبعا مافيه شك ان هذولة الطلبة فيه خلل في تربيتهم،يعني 100% ان أهلهم ناس عندهم تطرف و ماعندهم تسامح مذهبي عشان جذي طلعوا عيالهم من هذي النوعية،و عاد شنوا كانت نتيجة الموضوع على ولد خالتي؟ نتيجتها ان اهوا لاعت جبده منهم و كره المدرسة اللي جمعته فيهم و غيّر مدرسته عشان يفتك من ويوههم،
و عندي مثال ثاني،مرة يوم كنت صغيرة ايام المدرسة وحدة سألتني انتي سنية وللا شيعية؟ قلت لها شيعية،جان تقول لي انتوا قرآنكم بروحكم قرآنكم اسمه قرآن فاطمة،انا: @@ ،شنوا قرآن فاطمة هذا؟ قلتلها احنا نقرا القرآن العادي،جان تقول لا امبلا انتوا قرآنكم بروحكم،طبعا كنا صغار حزتها،معناها منوا معلمها هالكلام الفاضي؟ أكيد الأهل، اللي بقوله ان اذا أي أحد فينا وده يشوف الكويت بدون طائفية يبتدي من بيته،يربي عياله على احترام الناس و عدم التدخل في مذاهبهم،و الأهم اهوا تربيتهم على ان يكون ضميرهم صاحي كل وقت و يراعون هذا الضمير في علاقاتهم مع كل أفراد المجتمع،يعني مثلا اذا شركة او وزارة فيها مدير و عنده موظف يستحق الترقية بناءا على كفاءته،هل من العدل ان يكشت فيه و يرشح واحد ثاني للترقية لأن هذاك نفس مذهبه؟ أو شخص قدم اوراقه للتوظف في مكان معين و اهوا مستوفي الشروط لكن المسؤول عن التوظيف مذهبه يختلف عن الشخص المقدم للوظيفة،هل الله يرضى ان هذا الشخص ينرفض عشان مذهبه مو نفس مذهب المسؤول؟ هذا الشي فيه ظلم كبير و الله يعاقب عليه،طبعا الفاصل في هذي المواضيع اهوا الضمير،اذا كان صاحي ما راح نشوف هالسوالف اللي تغث،
اذكر ايام الانتخابات انا ما انتخبت احد لكن ابوي راح و انتخب ناس يحس ان فيهم خير للديرة و كان بعضهم سنة لأن أبدا ما تهم سالفة المذهب اذا طالعنا كفاءة الأشخاص و شنوا راح يقدمون للبلد،الخلاصة انا برايي اذا نبي نكون ايد وحدة كل واحد يبتدي يربي عياله على التسامح وعدم التدخل في مذاهب الآخرين و ننشغل في اللي يفيد ديرتنا و نكون ايد وحدة عشان لحد يطمع فينا و سلامتكم
70 التعليقات:
المسأله الطائفيه تعود الى الشعب على حسب الاخلاق والقيم في حالة وجود مواطن خلوق و يعرف ماهي العادات الاسلاميه و يطبقها لن يتجرأ الى التفرقه الطائفيه
لكن نشكر الله على هذه النعمه العظيمه
تسلمين يا Truth
الصراحة هذي النزعة الطائفية ماكانت موجود من قبل . الكويت بأهلها سنتها و شيعتها بس هناك ناس استغلوا المذاهب من اجل المناصب و هذول هم من اسسوا الطائفية ,
الله يهديهم
الله لا يفرق شعبنا
{~المباركية~}
كلامك عدل لأن ديننا الاسلامي دين سلام و من أبرز مبادئه التسامح و عدم أذية الآخرين ،
نبينا الكريم صلى الله عليه و آله و سلم قال:(المسلم من سلم الناس من لسانه و يده)
و تسلم ويعطيك الف عافية على مرورك و حياك الله
dr-maarafi
آميــن الله لا يفرقنا و الله يهديهم ان شاء الله،
و فعلا هذي السوالف المذهبية ما كانت موجودة في الكويت القديمة ايام الكويتيين الأوليين اللي بنوا الكويت و أسسوها،عسى الله يفكنا من هذي الفتن و يجمعنا تحت راية حب الوطن
و تسلم على المرور و يعطيك الف عافية و حياك الله
هلا والله الموضوع وايد حلو.. و انا بعد نفسج ما اعتقد ان الزواج يحل المشكله لان اصلا اكو وايد متزوجين جذي بس ما اشوف ان حل..
و بالضبط نفس ما تقولين التربيه مثلا احنا اهني ولدي بالمدرسه اكو شيعه سنه مسيح بوذه يهود و اهو مع الكل زين واصلا ولدي ما كان يعرف شنو الشيعه و السنه الا من سنه يعني لما صار ١١ و مو مني انا .. اهو كان بالحسينيه جان يسال عن ولد وينه ما ايي الحسينيه جان يقولون له لا هذا سني جان يقول هاه شنو يعني لووول ..
صج اول ما كان اكو جذي بالكويت كان يد وحده و انا اعتقد ان الناس الاوادم ما عندهم هذا شيعي هذا سني
:::ShoSho:::
اهلين هلا والله شوشو،حلت دنياج ما تقصرين
يحليله ولدج الله يحفظه،
اي هذا المطلوب ان احنا نحترم المختلفين معانا مو بس بالمذهب،حتى الدين بكبره،اذا الرسول(ص) اللي اهوا نبي بجلالة قدره قال حق الكفار :
لكم دينكم و لي دين
معناها اذا صج احنا مسلمين المفروض نتبع قدوتنا نبينا عليه الصلاة و السلام
و مشكوووورة و تسلمين على المرور و يعطيج الف عافية
مظلوم مصطلح " الطائفية " هذا :(
هناك شيئين يجب أخذهم بالاعتبار .
أولاً : أن إلغاء الآخر و ثقافته و وجوده هو مستحيل ، و أن الإنسان مجبول على الاختلاف مع غيره لا يمكن له أن يكون " موافقا " لكافة الخلق ، فطالما أن الاختلاف ثابت وجب الاعتراف به و التعامل معه .
ثانيا : ليس هناك شيء اسمه ( وحدة إسلامية ) - على الأقل من وجهة نظري - ، لأن الوحدة تستلزم التنازل و أنا مو على استعداد لان أتنازل حتى عن كلمة من دعاء مستحب في عقيدتي .
أنا شخصيا لا اعترف بهذه الوحدة و لا بمفهومها و لكن أعترف بشيء اسمه ( التعايش الاسلامي ) كما انني ارفض التنازل ، لا اتوقع من الطرف الآخر أن يتنازل أيضا ، في مجال العقيدة .
فالباقي هو أن يكون هناك تعايش اقتصادي / اجتماعي .. تعايش وطني يعترف باختلاف المكونات الداخلية و يظهر صورة خارجية واحدة .
" الطائفية " لا تعني أن يظهر كل شخص اعتزازه بفكره ، و لكنها تعني أن أجعل هذا الفكر هو الأساس في حكمي على الآخرين و هذا هو الخطأ بالطائفية .
هاتين مجرد مقدمتين بسيطتين ، و تحتهم يندرج كل ما يمكن أن يصنف في باب " معرفة الطائفية " :)
على الهامش :
الكويت في السابق كانت تمزقها الطائفية أكثر من اليوم :) و لكن للأسف أن تاريخنا المكتوب بين أيدينا لم ينقل كل شيء( Click )
موضوع ذو صلة :
لماذا فشلنا نحن و نجحوا هم ؟
شكرا ياTRUTH ..ابنتي الحلوة على هذا الموضوع الحيوي الذي قتلناه كتابة وأشبعناه تحليلا.. المطلوب فقط التعايش السلمي بين أطياف المجتمع الواحد.. وقبول الآخر بعقيدته وممارساته واحترام كل المذاهب والأديان .. وهذه الأمور تحتاج توعية للناس تبدأ من البيت والمدرسة وجمعيات النفع العام والاعلام المقروء والمرئي وتنتهي بالشارع..ومن أهم عناصر التوعية الحب والمودة والتسامح والاحترام وووووو .
مودتي
منى
hal salfaa 9aart bzyadah hal yomen
madri lish
elsnah mt7ssen men elshe3a w elshe3a kthalk
ana atfg m3aaach truth
elw7d yrbi 3yalah hatha kuwaitiii
w 3lena e7traaam kel sha59 ymer b7yatnaa swaaa2 muslim eb kela elmthhabeen aw mase7iii
خوش موضوع
برايي ان الزواج غالبا يلاقي رفض من الاهل
في ناس عادي عندهم شيعه سنه نفس بعض
كلنا بشر اوكي نختلف بكل شي بس بالنهايه ما نقدر نعيش اذا كان في مثل هالحزازيات
بس في ناس واصلين حد التعصب و يشوفون المذاهب الثانيه استغفر الله جنهم كفار
بكل مذهب في الزين و الشين
:)
سوري عالاطاله
نبقى كلنا عيال بلد واحد و كلنا نبي مصلحته
الطائفية آفة الشرق الأوسط هالأيام
ولن تنتهي الى أن تفصل الدولة الدين عن السياسة، ساعتها يشعر الجميع بالتساوي والأمان
تجارب "الكلاش" الطائفي أغلبنا مر فيها في المراحل الدراسية المختلفة، ذكرى سيئة ومشوشة مع الأسف
Safeed
أخوي سفيد أتفق معاك في النقطتين اللي ذكرتهم لكن سالفة ان قبل كان فيه طائفية هذي اول مرة اسمعها و حتى لو كان فيه ما اظن انها مثل وقتنا الحاضر اللي قمنا نشوف بعض عيال ديرتنا يسموننا احنا الشيعة روافض! و يتهموننا بالشرك ،ما اعتقد ابد ان هذي السوالف كانت موجودة في كويت الأمس
ومشكوووور و يعطيك الف عافية على المرور و تسلم
برنسيس إيكاروس
تسلم ايدج على كل كلمة كتبتيها في تعليقج،أتفق معاج بكل ما ذكرتي و أتمنى تتظافر الجهود بين البيت و المدرسة و الإعلام و كل اللي ذكرتيهم عشان يعم الحب و السلام بين كل أطياف مجتمعنا
و يعطيج الف عافية على المرور و حياج الله
شرفتيني بمرورج
:)
عفره
كلامج عين الصح المفروض نحترم كل شخص يمر بحياتنا سواء مسلم او غيره
و يعطيج الف عافية على مرورج و تسلمين و حياج الله
malak
عدل كلامج صاير هالأيام في ناس متطرفين و يعتبرون غيرهم كفار و فعلا بكل مذهب فيه الزين و فيه الشين محد احسن من احد،كلنا بشر و محد معصوم من الخطأ
و بالعكس لا اطالة و لا شي اخذي راحتج المكان مكانج
و تسلمين على المرور و يعطيج الف عافية
White Wings
تصدقيني لو قلت لج اني ما اعرف زود عن السياسة؟ :)
يعني سالفة فصل الدين عن السياسة ما اقدر اعطي رايي فيها لأني ماعندي خلفية عن الموضوع
و فعلا الأمور الطائفية اللي حصلت لنا مع زملاء الدراسة ذكرى سيئة
ببساطة شديدة لأنها جرحتنا
و أشكرج على زيارتج و يعطيج الف عافية و حياج الله :)
أختي الفاضلة ،
في مقولة أصولية هي " عدم الوجدان لا يدل على عدم الوجود " ، يعني أن احساسي أو عدم معرفتي بوجود شيء لا يعني أنه غير موجود ، فهو يمكن ما ثبت عندي لكنه ثابت بلاشك عند غيري .
تاريخنا بالكويت مجهـول و أغلب الكتب اللي تنباع بخصوص تاريخ الكويت حاليا هي كتب " ناقصة " ، الواقع يقول بأن " كويت الماضي " مو أحسن من " كويت الحاضر " بشيء بل انا اعتقد ان كويت الحاضر أحسن و أفضل من ناحية سيادة الفكر المدني و استيعاب الخلاف و القدرة على مناقشته و تحديده.
كويت الماضي كانت مقسمة طائفيا و مقسمة طبقيا بشكل كبير جدا ، الفقر و الجوع و المرض كان يمزق الطبقات الفقيرة ، و تصنيف الناس الطائفي كان يحول كل فريج إلى " كانتون " ما يسكنه الا المنتمين له و اي شخص آخر يُعامل معاملة الغريب .
كانت هناك فجـوة كبيـرة بين طبقات الشعب الكويتي ، لكن اللي يغطي في احيان كثيرة هذي الخلافات هو حالة ( الفقر ) اللي كانت تعيشها المنطقة بشكل عام ، لمّا ينشغل الانسان في البحث عن قوت يومه له و لأولاده طبيعي انه ما يعطي مجال كبير لاظهار خلافاته .
لكن في الكويت الحديثة و بعد الوفرة المالية ما صار الانسان بحاجة لان يسافر بالاشهر او يكد من صلاة الفجر لصلاة العشاء عشان يوّكل عياله ، فصار عنده متسع من الوقت لان يناقش و يسولف و يعبر عن مكنوناته .
لا تعتقدين إن هذي الخلافات ظهرت مثل ( الفقع ) أبدا ، لكل شيء أصل و أساس و منشأ تكبر و تنمو عليه ماكو شي يطلع بلمحة بصر ، و لكن نشوفها زايدة هالأيام لان الظروف اللي كانت تمنع ظهورها سابقا زالت في هذا العصر و عطتها مجال للظهور.
ما أقول إن الكويت كانت " جحيم " أبدا و لكن اقول إنها ابدا ما كانت بهذي الصورة الوردية اللي يحاولون تصويرها فيها .. كانت صورتها اقرب للرمادية الغامجة :)
حبيبتي تروث و الله انا مااعرف في هالسوالف بس احنا بالبحرين يعني مااقول لج ما في بس ما نشوف عندنا جذي و الكل يحب الثاني و ما عندنا تفرقه و سالفه مسالة الزواج مااعتقد انها تسوي حل و من المستحيل تسوي حل كل واحد بمعتقداته و الي يعتقد به و سوالف سياسية و طائفيه انا مااعرف في هلسوالف كلش ملش :)
و بالاخير احنا كلنا مسلمين و توحدنا شهادة ان لا اله الا الله و أن محمداً رسول الله
تحياتي لج
رحم الله والديج...
التربية هي الأساس
والتربية في بلد تنتشر فيه الطائفية يعتبر من المستحيلات! الأفضل ان الواحد يهاجر :)
مرة ثانية انتخبي :)
Safeed
أخوي سفيد كلامك اللي كتبته قلته حق ابوي لأن عاصَر هذيك الأيام لكن اهوا ما يوافقك الراي و يقول ان الكويت قبل كانت فيها الطائفية أقل و أهل الكويت كانوا متوحدين أكثر من الحين و مو عشان لاهين مافتحوا هالمواضيع،يقول لي ان الناس كانوا بسطاء حيل و على الفطرة،و يقول حتى لو كان فيه فرجان للشيعة و فرجان للسنة لكن هذا بسبب ان بعض الناس كانوا يحبون يسكنون يم اهلهم ،يعني ما كان التقسيم الطائفي اساس الموضوع
ويعطيك الف عافية و تسلم على المرور و حياك الله
Paris
الحمدلله انكم ما تشوفون هالسوالف بينكم و ما عندكم تفرقة،عسى الله يديم عليكم المحبة :)
وعدل كلامج كلنا مسلمين و تحت راية الشهادتين
ويعطيج الف عافية على المرور حبوبة و تسلمين
^_^
Salah
دام انك مقتنع ان التربية اهيا الأساس معناها نقدر نغير للأفضل و مو من المستحيلات
و كل شي و لا سالفة الهجرة،هذي اللي لو شنوا ما نسويها،
ترى مهما عشت بأي مكان بالدنيا تظل غريب،دام انك مو في أرضك و وطنك
عن الانتخابات والله انا ما انتخبت لأن أسمع ان مجلس الأمة كله مشاكل و النواب ما قاعدين ينفعون بشي،عشان جذي قررت اني ما اشارك بوصولهم للمجلس دام ان وجودهم و عدمه واحد !
:q
و يعطيك الف عافية على المرور وتسلم
التربية ثم التربية ثم التربية
صح لسانج
وشكرا على طرح الموضوع
لينما كنا نحتاج لتربية الابناء على نبذ الطائفية
وتكبر المهمة في الديرة
لانها مليانة طائفية
حتى بين العيال الصغار
والله يقدرنا نربي نفسنا عدل علشان نربي عيالنا والناس من حولنا
شكرا على الموضوع مرة ثانة
:)
-------------
صلاح
سامع الغنية الي تقول
بلادكم حلوة بس الوطن ماله مثيل
Manal
اي هذا الخوف الصجي لما تشوفين صغار و طلبة مدراس يثيرون مواضيع طائفية،هني الواحد لازم يتخذ خطوة جادة لأن عواقب هالموضوع خطرة على مستقبل الديرة،مانبي باجر يصير عندنا تفجيرات و ارهاب و واحد يذبح الثاني مثل العراق،
عشان جذي الحل الأساسي هو التربية
و عسى الله يحفظ الكويت و اهلها من كل شر و يوحد كلمتهم
ردج على صلاح عجبني حيل D:
اي والله الوطن ماله مثيل
أشكرج على مرورج اللي يشرفني و يسعدني داااايما و يعطيج الف عافية
:)
التربية ثم التربية ثم التربية
أفتخر بتربية أختنا "تروث"
وأفتخر بالتربية التي تلقيتها
أنتمي لطائفة وأعتز بعقيدة
ولكنني أحترم الآخرين وأحبهم
وأحب لهم الخير كما أي شخص آخر
ومن العيب كما تربيت
أن أقيم الإنسان على
طائفة أو أصل أو مال أو شكل!
الحمد لله الذي عافانا
مما ابتلى به آخرين
وشكرًا لمناقشة موضوع مثير
بطريقة هادئة وهادفة
الطائفة والعائلة والحزب
كلها مكونات طبيعية للديرة
ولا يجب إقصاءها
ولكن نقصي الممارسات الخاطئة
العدالة الكويتية
و انا أفتخر بقراءتك موضوعي يا اخوي العدالة و أحرجتني بكلامك الطيب
و الشكر لك لمرورك،
و تسلم ايدك على كل كلمة كتبتها في تعليقك
شرفتني بمرورك و يعطيك الف عافية
:)
خل اقولج شي يضحك ويبجي بنفس الوقت
اعرف بنوته عنونه اتسولف لي ذاك اليوم عن مدرستها
جان تقولي معاي وحده بالمدرسه اسمها جمانه
قلت لها يحليلها حلو اسمها
جان تقول شيعيه
(( آنا بحلقت عيوني لأن البنيه ياهل شعرفها هالسوالف !!!! ))
المهم اهيا بروحها كملت جملتها جان تقول : اهيا شيعيه بس مسلمه
آنا غشيت عليها من الضحك قلت لها اكيد الشيعة مسلمين ليش من قالج انهم مو مسلمين ؟
--
على فكره يوم كنت بالابتدائي ماكان فيه شي اسمه سنة وشيعه اصلا ماادري منو السنة ومنو الشيعة :)
وبالنسبة لي مااحب اميز بين الطالبات هذي سنيه وهذي شيعيه لأني محاسبة أمام الله عز وجل بهالتفرقه
مع إني بمرحله من مراحل عمري عانيت من مدرسه الله يساااااااامحها عنصريه درجة اولى ماقول غير ربي حسيبها :/
--
المشكله ياتروث ان مو كل الناس نفس المستوى بالتفكير ! يعني لو تقنعين شخص بإن لازم مايميز بالتعامل بين الناس الثاني ممكن يقتنع بس مايطبق الكلام اللي اقتنع فيه لخلل ما في نفسه ، وآنا اتكلم عن الطرفين سنة وشيعة لأن هالتفرقه موجوده عند الاثنين
ReLaaaX
اهلييييين هلا والله بالحبوبة ريلاكس
امبيه غشيت ضحك على البنوتة اللي سولفتي معاها اهم شي سالفة شيعية بس مسلمة كاااااااااك سلم قلبها والله D:
انا عن نفسي في كل مراحلي الدراسية كنت اتعرف على البنات اللي احس اخلاقهم عالية سواء سنة او شيعة،مايهمني مذهبها شنوا لأن مذهبها ما راح يأثر علي بشي،لكن اخلاقها راح أتأثر فيها،
وتصدقين الحمدلله ما مر علي قبل ولا مدرسة و لا دكتور بالجامعة عنصري
و حسبي الله على كل مدرس عنصري يظلم طلبته على اساس مذاهبهم و الله ياخذ حقج من هذي المدرسة ان شاء الله
والله يهدي الجميع و يقتنعون ان لا الله و لا رسوله يرضيهم التفرقة و الفتن
ويعطيج الف عافية و تسلمين على المرور الطيب و حياج الله
نورتي :)
صباح الورد
هذى لمصيبة اللى إسمها الطائفية
زرع شيطان بمجتمعنا المسالم
الله يرضى عن السنة والشيعة
وكلنا نعبد رب واحد نتبع نبي واحد
وشكرا لك عزيزتي
وبس
بابل
بـابـل
هلا والله اخوي صباح الخيرات :)
صدقت والله الطائفية مصيبة،والله انها شي يعور القلب و يفتته،حسبي الله على كل مثيرين الفتن
وفعلا كلنا رب واحد و نبي واحد و قرآن واحد و قِبلة وحدة بعد
عسى الله يلم الشمل و يوحد كل المسلمين
تشرفت بمرورك اخوي و تسلم و يعطيك الف عافية
عزيزتي تروث
مب بالنسب .. اذا النفوس اتصافت كل شيء يهون !
لازم هناك يكون احترام في الاصل ..
لمعتقد و لفكر الآخر ..
ليش طرف متعودين يتهجم على الثاني على كل رنة و زنة ..
؟؟
اذا أنا واثقة من ديني و مذهبي ..ليش أتعب عمري و أراقب الثانيين؟
و اذا الانساب اخطلت في بعض يا مرحبا ..بس كل يحترم الثاني ..
مب تزيد نسبة الطلاق ..
ترى بسنا النسبة وايد تزيغ
الطائفية وين وصلتنا؟!
مو إحنا بس العالم كله وين وصلته النزعات الطائفية
:(
لابد من الإحترام سواء هذا شيعي و إلا سني و إلا مسيحي و إلا غيرهم
مثل ما قالوا الإخوان يرجع
للبيئة اللي تربى فيها هالشخص
و شنو الأهل إغرسوا في نفوس هالصغار
و الله يحفظ ديرتنا و لا يفرقهم
|:| DUBAI |:|
فعلا تصدقين وايد استغرب على الناس اللي قاعدين يراقبون غيرهم و يخلقون مشاكل،احس ناس حدهم فاضيين و ماعندهم شي ثاني يشغلهم في الدنيا،والمشكلة انهم ما يفهمون ان كل واحد الله راح يحاسبه على اعماله،معناتها اشغل نفسك بأعمالك و سو اعمال تنفعك حق آخرتك و اترك غيرك بمذهبهم الله اللي بيحاسبهم مو انت
و مثل ما قلتي احترام معتقدات الآخرين مطلب ضروري
و يعطيج الف عافية على مرورج و حياج الله
₪ManaL₪
الطائفية مرض العصر و نهايتها دمار و حروب و ضحايا مثل ما شفنا بالعراق
عسى الله يبعدها عنا و يوحدنا و يجمعنا ولا يفرقنا
و عدل كلامج يجب احترام كل المذاهب و الاديان و الأساس بالتربية و البيئة السليمة اللي تنتج ناس يؤمنون باحترام معتقدات الآخرين
و تسلمين على مرورج و يعطيج الف عافية
شيعة وسنه ... كلنا مسلمين واخوان
لا للطائفية
dalal
صح لسانج :)
يعطيج العافية و تسلمين على المرور الحلو وحياج الله
موضوع مهم الكل محتاج يقراه ، مو بس بالكويت بالعالم الاسلامي كله
الطائفية تفقدنا التركيز على مشاكل اكبر امامنا
فعلا التربية هي بوابة الحل الانسب للطائفية
اسم على مسمى truth
:)
يعطيج العافية
a7mad Nabeel
أحرجتني أخوي بكلامك الطيب،كلك ذوق والله
تشرفت بمرورك اخوي ويعطيك الف عافية وتسلم وحياك الله :)
إن الله لا يغير ما بقوم حتى يغيروا ما بأنفسهم ..
موضوع قيم أختي ..
وأرى الحل يكمن في تغيير طريقة تفكيرنا كبشر ..
وللأسف الكل يتحدث باسم الدين في كل شيء .. ولكن في موضوع الطائفية نجدهم ينسون تعاليمه ويتشددون .. بل وأحيانا يبررون ذلك باسم الدين !
تحياتي ..
حبيبتي موضوعج واايد حلو ومؤثر وللاسف الطائفيه والتفرقه الحين صارت بكل مجال لدرجه انه في ناس تضرر سواء في المجال التعليمي او الوظيفي بسبه هالطائفيه
احسن حل من التربيه اول شي لازم الكل يزرع في عقل اطفاله تقبل الاخر واحترامه مو بس من طائفه ثانيه لا من اديان ثانيه
والشي المهم انه كل واحد يكون محترمم توجه غيره يعني غلط ايي انا اقول خل احاول اقنع فلانه انها تصير من مذهبي واقعد اكرها وانتقد مذهبها جذي ممكن تنفر مني وماتقبل مذهبي بكبره فكل واحد يتقبل الثاني افضل
شكراا عالموضوع
أحمد الحيدر
صدقت أخوي أحمد غريبين هذولة الناس المتناقضين اللي يتكلمون بإسم الدين و يسوون انفسهم غيورين و دعاة للدين و اهما بأنفسهم قاعدين يكسرون شوكة هذا الدين و يمزقون وحدة أمته من خلال تشددهم
ما نقول غير حسبنا الله و نعم الوكيل على كل انسان ينشر الفتن و يشعلل الطائفية بين البشر
و يعطيك الف عافية اخوي احمد و تسلم على مرورك الطيب و حياك الله
ANGEL HEART
تسلمين على كل كلمة كتبتيها في تعليقج
و فعلا انا معاج 100% في قضية احترام توجهات الناس و قبولهم على ما هم عليه،ليش نتدخل في قناعات الناس و خصوصياتهم
و الشكر لج لمرورج أختي و يعطيج الف عافية و حياج الله
نورتي :)
الطائفية بلاء مستحدث ومستورد لمجتمعنا ...
إلى زمن ليس ببعيد لم نكن نعرف عن هذا البلاء شيئا في أزقة مدينة المنامة القديمة التي ولدنا وترعرعنا فيها حتى كبرنا ..
كنا نندمج مع كل الطوائف والتوجهات ..
وما إن دخلنا الألفية الجديدة حتى أفقنا على مصطلح (طائفية) الذي قضى على طيبتنا ومحبتنا ..
ابعده الله عنا وعنكم :)
علي الملا
آمين الله يبعد الطائفية عنا و عنكم و يجمع عيال ديرتكم و ديرتنا على الخير و المحبة و السلام
وتسلم اخوي علي على مرورك و يعطيك الف عافية
كلامج عين الصواب
فكما يقال " الأسرة نصف المجتمع "
فالبيت هو تطبيق عملي لما يحصل في المجتمع
ولنا في رسول الله خير أسوة
عندما كان يتعامل بأحترام مع الكفار
وهم كفار
ماذا نقول عن من هم من بني جنسنا
أجمل تحية
بانوراما
تسلم اخوي على كل كلمة كتبتها بتعليقك،كفيت و وفيت
تشرفت بمرورك اخوي ويعطيك الف عافية :)
الحل بيكون لما كل طرف يفهم الثاني ..
يقدر شعوره .. و يحترم أفكاره و مبادئه ..
و بعد لما نبتعد عن الجدال العقيم و النقاشات الي ما منها فايدة ..
و الله الحياة بدون طائفية حلم نتمنى انه يتحقق ..
تسلمين Truth عطرحج للموضوع ..
دمتي بود ..
إنسانة
مظاهر الطائفية صارت على مستوى عالمي و شي يخرب صورة المسلمين جدام العالم،كافي بس لما الواحد يدخل يوتيوب و يشوف شلون فيه سنة و شيعة من مختلف الدول العربية يسبون بعض و يطعنون في بعض و يكفرون بعض،شي يفشل و يحسس بالإحباط و يبرز المسلمين في صورة مزرية جدا
و صدقتي فعلا الحياة بدون طائفية حلم ياريت ربنا يستجيب لدعواتنا و يحققه عشان نعيش بسلام و أُلفة
و يعطيج ألف عافية و تسلمين على المرور الطيب و حياج الله
وينك؟؟
نبي نقرأ شي جديد؟
بـابـل
هلا والله اخوي بابل انا موجودة
بس ماعندي شي في بالي و فوق هذا هالايام تعبانة شوي
وتسلم على المتابعة و يعطيك الف عافية :)
السلام عليكم
hello,I'm from Türkiye,from Ankara
السلام عليكم
والله الكويت ما كانت جذي
اذكر اول امي تقولي اذا احد سألج انتي سنية والا شيعية قوليله انا كويتية وبس
واتوقع هالكلام ينطبق عليكم كلكم
لازم تتغير النظرة الي بداخلنا لبعض
ما اشوف ان الزواج حل للموضوع :)
السلام عليكم ورحمة الله وبركاته
عزيزتى الغالية ،انت ام اليوم او غدا ، فكل عام وانت بخير فى عيد الام ، وان كنت تتمنين لطفلك ان يحيا امنا فلقنيه ان الاسرائيلى شر كله ، فلا يامنه برهة ، ولا يسالمه مدى الحياة
يهودى يعنى حنش احسن دوا تقطعوا راسه
كلام نقوله لنسلنا نطبعوا فى كتابه وكراسه
لك تحياتى والسلام عليكم ، ولا سلام مع اليهود
بيرم المصرى
hayatcemresi
عليكم السلام و رحمة الله و بركاته
أهلا و سهلا
welcome to my blog :)
ريــــــانــه الـعـــــود
يعطيج العافية و تسلمين على المرور الحلو و حياج الله :)
Beram ElMasry
عليكم السلام و رحمة الله و بركاته
و انته بألف خير أخوي تسلم :)
و ان شاء الله اذا صار عندي عيال راح اعلمهم كل اللي انته كتبته
و بدون ما توصي ،
انا مقتنعة ان اسرائيل عدوة السلام و الانسانية
عسى الله يفرجها على اخواننا الفلسطينيين و تتحرر أرضهم و يعيشون بسلام
ألف شكر أخوي على مرورك الكريم و حياك الله ^_^
عزيزتى
موضوعج مهم خصوصا بهالوقت..راح اقولج تجربتى الشخصيه بهالموضوع..انا وحده ربيت بيت ما نعرف شنو الطائفيه..امى ويدتى الله يرحمهم مجلسهم كان يضم الجميع ومع شده تدينهم ما عمري شفت تتناقشون بهالمواضيع ابدا كانو اهل دين ودنيا
على الفطره.وكانو يقولون ان ما عندهم مع جيرانهم من عمر الدنيا هالسوالف ولا احد يسأل الثانى ليش بدينك جذي او او.
السنه باكتوبر..ياتنى بنتى وهى طفله تدرس بالامريكيه سألتنى سؤالين : ..أحنا أي قبيله؟؟؟؟احنا سنيين ولا شيعيين!!!!!!!!
بالفعل حسيت فى شى حييييل غلط.ورحت المدرسه وبلا بلا
عموما وصل الموضوع لليهال فى المدارس اطفال يسأل الواحد الثانى هالاسئله...كارثه حقيقيه
.
المقوع الشرقي
والنعم والله في امج و يدتج الله يرحمهم
هذي اخلاق اهل الكويت الأصيلين اللي معدنهم طيب
و هم احنا نفس الشي اجدادنا و اهلنا ما كانت تدور عندهم الطائفية و التدخل في مذاهب الأوادم
وبالنسبة لبنتج الله يحفظها،الظاهر اي فعلا هالأيام قاعدة تنتشر هالسوالف بالمدارس
لكن اللي متربية تربية طيبة مثلج أكيد بتقدر تربي بنتها على عدم الطائفية
أشكرج من كل قلبي على مرورج الطيب
تشرفت بزيارتج و يعطيج الف عافية
الاخت العزيزة . TruTh
السلام عليكم ورحمة الله وبركاته
سلمت وجميع اهلك وصحبك من كل شر ومكروة ، وادام الله عليك ثوب الصحة والعافية ، اسعدنى تعليقك فلا تبخلى بمعاودة الزيارة والتعليق لنشر الوعى بين الاخيار من الشباب الغيور على وطنه وحرمه
لك تحياتى والسلام عليكم ، ولا سلام مع اليهود
Beram ElMasry
وعليكم السلام ور حمة الله و بركاته
أهلا و سهلا فيك أستاذ بيرم :)
الله يسلمك و يخليك و يحفظك من كل شر
أشكرك من أعماق قلبي على الدعوات الطيبة
و يشرفني و يسعدني اني أعاود زيارة مدونتك الهادفة
و يعطيك الف عافية
و تحياتي لك
و أكيييد لاسلام مع اليهود
انتي يا بنية
وينج
صار لج جم سنة مو كاتبة شي يديد
يلا عاد ولهنا على كتاباتج
كبرياء وردة
اهلييييين هلا والله بالوردة
انا كل مرة قبل لا اكتب بوست احس عندي سالفة تقرقع في قلبي و تبي تطلع،فجأة تلاقيني كتبت البوست D:
عاد صارلي فترة ماعندي سوالف تقرقع بقلبي ،ادعيلي يقرقعون عشان انزل بوستات P:
وحياج الله يا عسل :)
والحل يعني ياتروووووث
تعبنا من كثر ما انسوي ريفرش على بلوغج ولا نشوف يديد :(
علي الملا
اهليييييين خيو،والله مادري شفيني ماني متحمسة اكتب شي،ان شاء الله انزل بوست قريب انته بس ادعيلي لول :)
و ثانكس و يعطيك الف عافية على المتابعة،ماقصرت والله
وتحياتي لك
عزيزتي الحلوة TRUTH
شكرا على زيارتك مدونتي وشكرا لاعجابك بموضوعي
رديت على تعليقك بنفس المكان
تفضلي بزيارة ثانية للمدونة لتقرئيه
مودتي
منى
موضوع رائع
أختي الكريمة
بارك الله فيك
تمنياتي لك بالتوفيق و النجاح
برنسيس إيكاروس
مشكووووورة و حياج الله :)
علي إسماعيل الشطي
تسلم والله اخوي على الزيارة الكريمة و الدعوات الطيبة،من ذوقك و طيب أصلك
تشرفت بمرورك اخوي و يعطيك الف عافية و بالتوفيق يااااااارب
الطائفيه
اخ منها
ليش ماكنا نعرفها قبل
ليش ماكانت تنخر بجسدنا
ليش وليش وليش
لو يعرفون مشعلينها شنو نتايجها
اعتقد يقعدون ببيوتهم
Barrak
اي والله اخوي تساؤلاتك حيل مهمة فعلا ليش ما كنا نعاني قبل منها
و نتايجها واضحة للجميع،الكل يشوف بالأخبار اللي قاعد يصير في العراق و باكستان و تفجير الأبرياء
عسى الله يكافينا شر الناس الطائفيين و يرد كيدهم في نحرهم و يحفظ ديرتنا منهم
و تسلم على المرور الكريم و يعطيك الف عافية
تشرفت بمرورك اخوي و حياك الله
إرسال تعليق